ਕਿਸ਼ਨਗੜ੍ਹ :
ਨਜ਼ਦੀਕੀ ਪਿੰਡ ਸਮਸਤਪੁਰ ਵਿਖੇ ਖੇਤਾਂ ’ਚੋਂ ਡਿਫਿਊਜ਼ ਮਿਜਾਇਲ ਦੇ ਪਾਰਟ ਮਿਲਣ ਕਾਰਨ ਇਲਾਕੇ ’ਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ। ਮੌਕੇ ’ਤੇ ਪਹੁੰਚੀ ਪੁਲਿਸ ਪਾਰਟੀ ਦੇ ਏਐੱਸਆਈ ਦਇਆ ਚੰਦ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਹ ਆਪਣੇ ਇਲਾਕੇ ’ਚ ਰਾਤ ਵੇਲੇ ਡਿਊਟੀ ਕਰ ਰਹੇ ਸਨ ਤਾਂ ਸਵੇਰੇ 8:5 ਮਿੰਟ ’ਤੇ ਉਨ੍ਹਾਂ ਨੂੰ ਕਿਸੇ ਵਿਅਕਤੀ ਨੇ ਫੋਨ ਕੀਤਾ ਕਿ ਸਮਸਤਪੁਰ ਤੋਂ ਧੋਗੜੀ ਰੋਡ ’ਤੇ ਦਵਿੰਦਰ ਸਿੰਘ ਪੁੱਤਰ ਸਤਨਾਮ ਸਿੰਘ ਵਾਸੀ ਸਰਮਸਤਪੁਰ ਦੀ ਪੈਲੀ ’ਚ ਡਿਫਿਊਜ ਮਿਜ਼ਾਈਲ ਡਿੱਗੀ ਹੈ। ਇਸ ਮੌਕੇ ਏਐੱਸਆਈ ਦਇਆ ਚੰਦ ਨੇ ਦੱਸਿਆ ਕਿ ਇਸ ਦੀ ਜਾਂਚ ਕਰਨ ਲਈ ਫੋਰੈਂਸਿਕ ਟੀਮਾਂ ਪਹੁੰਚ ਰਹੀਆਂ ਹਨ। ਇਸੇ ਤਰ੍ਹਾਂ ਦੂਸਰੀ ਮਿਜਾਇਲ ਨਜ਼ਦੀਕੀ ਪਿੰਡ ਮੰਡ ਮੌੜ ਸੁਖਜਿੰਦਰ ਸਿੰਘ ਮੰਡ ਦੇ ਖੇਤਾਂ ’ਚ ਡਿੱਗੀ ਹੈ। ਮੌਕੇ ’ਤੇ ਪਹੁੰਚੀ ਕਿਸ਼ਨਗੜ੍ਹ ਪੁਲਿਸ ਪਾਰਟੀ ਦੇ ਮੁਲਾਜ਼ਮਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਉਨ੍ਹਾਂ ਦੱਸਿਆ ਕਿ 5:30 ਵਜੇ ਦੇ ਕਰੀਬ ਸਾਨੂੰ ਸੂਚਨਾ ਮਿਲੀ ਕਿ ਮੰਡ ਪਿੰਡ ’ਚ ਮਿਜਾਇਲ ਡਿੱਗੀ ਹੈ। ਅੰਬਗੜ੍ਹ ਵਿਖੇ ਕਿਸਾਨ ਗੁਰਜੀਤ ਸਿੰਘ ਦੇ ਖੇਤਾਂ ’ਚ ਮਿਸਾਇਲ ਡਿੱਗਣ ਕਾਰਨ ਲੋਕਾਂ ’ਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ। ਇਸ ਮੌਕੇ ਡੀਐੱਸਪੀ ਕਰਤਾਰਪੁਰ ਵਿਜੇ ਕੁੰਵਰ ਤੇ ਐੱਸਐੱਚਓ ਰਮਨਦੀਪ ਸਿੰਘ ਮੌਕੇ ’ਤੇ ਪਿੰਡਾਂ ’ਚ ਪਹੁੰਚੇ ਤੇ ਉਨਾਂ ਮੌਕੇ ’ਤੇ ਲੋਕਾਂ ਨੂੰ ਸੁਚੇਤ ਕੀਤਾ ਕਿ ਉਹ ਡਿੱਗੀਆਂ ਹੋਈਆਂ ਮਿਜ਼ਾਈਲਾਂ ਦੇ ਨੇੜੇ ਨਾ ਜਾਣ। ਇਸੇ ਤਰ੍ਹਾਂ ਇਲਾਕੇ ’ਚ ਹੋਰ ਕਈ ਥਾਵਾਂ ’ਤੇ ਇਸ ਤਰ੍ਹਾਂ ਦੀਆਂ ਮਿਜ਼ਾਈਲਨੁਮਾ ਚੀਜ਼ਾਂ ਡਿੱਗਣ ਦੇ ਨਾਲ ਇਲਾਕੇ ’ਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋਇਆ ਹੈ।
